Home
ગુજરાત
અમદાવાદની સોલા સિવિલમાં દર્દીના સગા સાથે બાઉન્સરે કરી મારામારી, દર્દીના સગાને માર મારતો વીડિયો વાયરલ

અમદાવાદની સોલા સિવિલમાં દર્દીના સગા સાથે બાઉન્સરે કરી મારામારી, દર્દીના સગાને માર મારતો વીડિયો વાયરલ

05:56 PM April 24, 2024 admin

Latest Ahmedabad News : અમદાવાદમાં સોલા સિવિલ હોસ્પિટલમાં મારામારી થઇ છે. જેમાં સોલા સિવિલ હોસ્પિટલના બાઉન્સરોની દાદાગીરી સામે આવી છે. તેમાં દર્દીના સગા સાથે છુટ્ટાહાથની મારામારી કરી છે. ઇમરજન્સી વિભાગની બહાર છુટ્ટા હાથની મારામારી થઇ છે. સારવાર લેવા આવેલા દર્દીના સગા સાથે મારમારી થઇ હતી. જેમાં મારામારીના લાઈવ વીડિયો સામે આવ્યા છે.

► મધરાતે સોલા સિવિલ હોસ્પિટલમાં ભયનો માહોલ સર્જાયો

શહેરમાં મધરાતે સોલા સિવિલ હોસ્પિટલમાં ભયનો માહોલ સર્જાયો હતો. ત્યારે ઇમરજન્સી વિભાગની બહાર છુટ્ટા હાથની મારામારી થઇ હતી. બાઉન્સર રીત સરના યુવક પર તુટી પડયા હતા. દર્દીના સગા સાથે છુટ્ટાહાથની મારામારી કરી હતી. સારવાર લેવા આવેલા દર્દીના સગા સાથે મારમારી થઇ છે. થોડી બોલાચાલી બાદ મામલો બિચકયો હતો. ત્રણથી ચાર બાઉન્સરો રીત સરના તૂટી પડ્યા હતા. સારવાર લેવા આવેલા અન્ય દર્દીઓમાં ભયનો માહોલ છે. યુવકને માર મારી હોસ્પિટલ બહાર ખદેડી મુકાયો હતો.

► ગુજરાત આરોગ્ય સિસ્ટમ સામે સવાલ

હોસ્પિટલ છે કે યુદ્ધનું મેદાન તે એક મોટો સવાલ ઉભો થયો છે. જો આજ પ્રકારે ખાનગી બાઉન્સરોની દાદાગીરી ચાલી તો દર્દીઓ આવશે ખરા? તેમજ દર્દીઓ માર ખાવા આવે છે કે સારવાર લેવા ? ગુજરાત આરોગ્ય સિસ્ટમ સામે સવાલ ઉભા કરતો વીડિયો સામે આવ્યો છે.